|
|
|
|
|
|
 |
|
|
24.6.2013 |
|
"Bochtartscha pedar i Erba"
Ando artschijipe "Bochtartscha pedar i Erba" dschivipeskere historiji le Erbaschendar taj Erbaschkijendar peder i historija le forostar phukan. O bijografiji nevipe te lakel muken taj o pobisteripe upre likeren.
|
|
|
|
|
|
|
|
|
Ande jek koja amare phure dschene hi le, save maschkar i historija, aja cajt taj i cukunft famitlinen taj pedar i historija jeke gavestar bochtinen. On upro duj dombi kher hi, maschkar save i Wart paschlol. O vakeripe adaj pedar o schov temetischtscha le forostar Erba – schtar lendar upro ostitiko dombo, duj upro vestitiko paschlon – taj lengere odoj ande handle dschenendar hi. |
|
|
|
|
|
|
|
|
Jeka gemajndake valami 7.000 dschenenca adala temetischtscha but hi! Andi austritiki provinca ada jekoschno hi taj sikal, hot adaj manuschtscha pedar schelberschengere schofinde le, pumare mindenfelitike patschajiptschenca jek latscho khetanipe te dschil: Katoliktscha, masune, tschiriklaschtscha taj dschidovtscha.
|
|
|
|
|
|
|
|
|
Uso schtar konfesijontscha meg o gemajndakero temetischi (te gemajndakero tschorengero temetischi vaj tschak tschorengero temetischi akardo), o temetischi la sovjetarmejatar (te rustengero temetischi akardo), taj trin avre mulengere gondolipeskere thana, save le mulenge le themeskere harburijendar, le viderschtaundskempferenge taj le opferenge le bombakere atentatistar andar o bersch 1995 vidmim hi, use an. |
|
|
|
|
|
|
|
|
Pradim ulo o artschijipe ando 23. juni 2013 la nacijonalrotengera presidentkijatar Barbara Prammer taj le kulturakere thaneskere rotistar Helmut Bieler. O artschijipe, savo le Peter Wagneristar koncipirim ulo, dschi uso 6. oktoberi 2013 ando foroskero park Erbate te dikel hi.
|
|
|
|
|
|
|
|
|
