|
|
|
|
|
 |
|
|
|
|
Programo SSZD ando 9. juni 2013
O but tschibtschakero magacin kherodaschi ando hajmatakero museum Lutzmannsburg hi. Avre temtscha: Internacijonali Romengero-Di andi Erba, but tschibtschakere tschavengere dschilakere kenvi taj Hornstein/Vorištan ungriko thal.
|
|
|
|
|
|
|
|
|
But tschibtschakeri sendung
Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung "Servus Szia Zdravo Del tuha" schovar ando bersch sikadi ol. |
|
|
|
|
|
|
|
|
Sendungakero termin
Kurke, 9. juni, 13.05 orenge (VPS 13.05)
ORF 2 Burgenland
|
|
|
|
|
|
|
|
Termintscha 2013:
11. august
13. oktoberi
15. decemberi
|
|
|
|
|
|
|
|
|
|
Hajmatakero museum Lutzmannsburg
"Servus, Szia, Zdravo, Del tuha" kherodaschi ando hajmatakero museum Lutzmannsburg hi. Ada angle pantsch berscha, pal but butja papal pradim ulo. Telal o kamle khetan terdscharde eksponatscha te but ar rodime horvacke taj ungrike gada del. O museum le tschavenge te krejativi kurstscha tel likerel, kaj o but tschibtschakero vakeripe upre likerdo ol
|
|
|
|
|
|
|
|
Internacijonali Romengero-Di andi Erba
Le Romenge taj Sintijenge andi Austrija ada bersch, o 20. berscheskero di lengere aun prindscharipestar ojs flogoskeri grupn ando bersch 1993, ando cajchn terdschol. Te use jek simposijon andi Erba, savo upro Internacijonali Romengero-Di tel likerdo ulo, adale jubilejumiha donde pumen berscharde. Avri tema sina i cukunft le Romendar.
|
|
|
|
|
|
|
|
Romengero muschikaschi Willi Horvath mulo
Kada o maj kisno sina, o prindschardo Romengero muschikaschi taj prik dschivdo le holocaustistar Willi Horvath pal dugo, pharo nasvalipe 79. berschenca mulo. O Langentaleri/ Longitoljac ojs tikno tschau poar berscha ando logeri Lackenbach ande tschapim sina. Paloda ojs muschikaschi, ov igen latscho bumbaschi sina, but vilagi kher rodija. 2009 ov jek odolendar sina, savo ando projekto "Mri Historija - Lebensgeschichten burgenländischer Roma" le farajnistar Roma-Service, portretirim ulo.
|
|
|
|
|
|
|
|
But tschibtschakero projekto
Andi tschavengeri bar ande Drassburg/Rasporak jefkar ando kurko but tschibtschakere tschavengere ori ungrike taj burgenlanditike tschavengere barengere pedagogkijendar taj schtudentkijendar andar Sopron del. Ande ada barikano EU-akero projekto i vest ungriki universiteta Sopron, i pedagogischi utschi ischkola Tikni Martona, o ungriko Agendorf/ Ágfalva taj i tschavengeri bar Drassburg/Rasporak khetan butschalinen.
|
|
|
|
|
|
|
|
But tschibtschakere tschavengere dschilakere kenvi
"Sing mit uns" taj "Fröhliche Lieder" butschon duj neve, trin tschibtschakere dschilakere kenvi la tschavengera barake taj la flogoskera ischkolake, save o burgenlanditiko ungriko kulturakero farajn khetan le ORF-iha Burgenland ari dija. Ande hi dschila andi ungriki, horvacki taj nimtschki tschib. Angle terdschardi uli i kenva andi KUGA ande Großwarasdorf/Veliki Borištof.
|
|
|
|
|
|
|
|
Hornstein/Vorištan ungrika thal
Imar o pantschtovar akartscha o farajn uso pomoschago le interkultureli khetan butschalinipestar "KulturBauStelle" ande Hornstein/Vorištan use jek thajipeskero seminar. Odoj imar andi inditiki, turkitiki taj muguli andi kambodschanischi kojnha ande sunglo ulo. Akana Hornstein ungrika thatscha.
|
|
|
|
|
|
