|
|
|
|
|
 |
|
|
20.5.2013 |
|
Barankapark | Amen gondolinas!
"Me gondolinav, hot ada mulatintschago te akor meg del, te me buter na ujom", phentscha o keraschi Harri Stojka, ando dialogo la Sissi Stojkaha, Doris Stojkaha taj le Adam Wickerliha, kerdo la Gilda-Nancy Horvathatar. On loschande hi, kaj sako bersch mindig buteder manuscha uso gondolipeskero mulatintschago ando Barankapark an.
|
|
|
|
|
|
|
|
|
Imar o pantschtovar ando 20. maj (o di, kada o Mongo Stojka upro them alo) o gondolipeskero mulatintschago ando "Barankapark" tel likerdo ol. I muschika ada bersch o keraschi Harri Stojka pra bandaha, o Uli Bäer taj o Mosa Sisic keren. |
|
|
|
|
|
|
|
|
Ande ada bersch uso tradicijoneli mulatintschago, jek di angloda, filmtscha sikade ule. Oda sina o film "Gipsy Spirit" – le Harri Stojkaskero rodipe palo muschikakere vurclini andi Indija taj o vakeripe la USC SHOAH Foundacijonatar le Mongo Stojkaha andar o bersch 1998.
Ando vakeripe phukal o prik dschivo vodschikan pedar i phuri cajt.
|
|
|
|
|
|
|
|
"Pre tume ame gindinas, Romale!"
O gondolipeskero moto te ada bersch butschol: "Pre tume ame gindinas, Romale! | Wir gedenken euch!"
O sako berschengero gondolipeskero mulatintschago la familijatar Stojka kerdo ulo. Upro gondolipe ando Barankapark angle poar berscha jek gondolipeskeri tablina upre terdschardi uli taj jek loli kestajin aun tschiti uli.
O park upro Belgradplatz sajt oja cajt oficijeli pal le Mongo Stojkaskeri baba "Barankapark" butschol. O aguno terdschojipeskero than le Sinti taj Roma familijendar (Heller rito) use oda than kerinel, katar o nacijonalsocijalistscha but manuschen ando logertscha ledschine.
|
|
|
|
|
|
|
|
|
|
|
Ada mulatintschago o farajn "gipsy music association" organisirintscha, pomoschagoha le Kulturraumistar 10 taj le becirkiskere angle terdschojipestar Favoriten.
Radijo Kaktus ande pro aktujeli ardipe falati andar o vodschikano vakeripe la SHOAH Foundacijonatar le Mongo Stojkaha anel. |
|
|
|
|
|
|
|
|
|
oe1campus - Radijo Kaktus
|
|
|
|
|
|
|
