|
|
|
|
|
 |
|
|
14.3.2013 |
|
Programo SSZD ando 14. april 2013
O but tschibtschakero magacin neva moderatorkijaha, Gilda-Nancy Horvath, savi pe andar o parlamento andar Betschiste meldinen, presentirinel. I tema o 20 berschengero jubilejum le aun prindscharipestar le Romendar ojs flogoskeri grupn ando bersch 1993 hi.
|
|
|
|
|
|
|
|
But tschibtschakeri sendung
Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung "Servus Szia Zdravo Del tuha" schovar ando bersch sikadi ol.
|
|
|
|
|
|
|
|
|
Gilda-Nancy Horvath
|
|
|
|
|
|
|
|
|
|
Sendungakero termin
Kurke, 14. april, 13.05 orenge (VPS 13.05)
ORF 2 Burgenland |
|
|
|
|
|
|
|
|
|
Termintscha 2013
9. juni
11. august
13. oktoberi
15. decemberi |
|
|
|
|
|
|
|
|
|
|
20 berscha Roma ojs flogoskeri grupn
Ando decemberi 1993 o Roma taj o Sinti andi Austrija ojs schovti austritiki flogoskeri grupn aun prindscharde ule. Ando lejcti bisch berscha la flogoskera grupnake le austritike Romendar but avrijal ulo. Jek facit pedar o lejcti 20 berscha cidel o sikajipe le Romendar andar i Erba.
|
|
|
|
|
|
|
|
Ando vakeripe le Rudolf Sarköziha
Jek le but barikaneder Romengere aktivistendar, o Rudolf Sarközi hi. Ov but berscha upro nacijonali taj internacijonali than le Romengere tschatschipenge kejmpfinel. Sarközi o schero le Kulturakere Farajnistar le Austritike Romendar taj o angle beschto le flogoskere grupnakere bajrotistar le Romendar hi.
|
|
|
|
|
|
|
|
Mulatintschago ando parlamento
Vasch o 20 berschengero jubilejum le aun prindscharipestar le Romendar ojs flogoskeri grupn ando parlamento Betschiste, jek baro mulatintschago tel likerdo ulo, kaj aktivistscha taj politikertscha andar i kesdipeskeri- taj andar i adiveseskeri cajt upro aun prindscharipe pal gondolinde.
|
|
|
|
|
|
|
|
Kher usi: Nacijonalrotiskeri presidentkija Prammer
La presidentikijake le nacijonalrotistar, Barbara Prammer, o parlamento ojs mulatintschagoskero than le 20 berschengere jubilejumistar "jek Selbstverständlichkeit" hi. Ando vakeripe la Gilda-Nancy Horvathaha, i akaraschkija le Romengere mulatintschagostar, te upre pro erschti kontakto le Romenca andi Austrija pal gondolinel.
|
|
|
|
|
|
|
|
100. di kada o baro raschaj László upro them alo
Ando 25. feberi o 100to var o di, kada upro them alo, le erschti bare raschajistar la diözesejatar Tikni Martona, Stefan László, sina. Vaschoda ando kher le talalinipestar andi Tikni Martona jek simposijon tel likerdo ulo, kaj te o jerinaschtscha le ada berschengere "Bischof-DDr.-Stefan-László-Preises" patijarde ule.
I ungriki kunstakeri historikerkija taj religijonakeri pedagogkija Ildikó Farkas odoj pri László bijografija le anaviha "Ein Brückenbauer im Dienst der Kirche" presentirintscha.
|
|
|
|
|
|
|
|
"eLSA presentacija ando ZG Erba
O ministerijum le sikajipeske le projektiha eLSA o e-Learning, o siklipe le elektronischi medijendar, pomoschinel. O duj tschibtschakero gimnasijum taj i flogoskeri ischkola Erba igen aktivi hi. Khetan jeka partnerengera ischkolaha andar o Horvacko o tschave jek receptakeri kenva kerde.
|
|
|
|
|
|
|
|
Ande 24 ori prik o Neusiedler See
O ajgeni teschtoskere taj mentali granici ar te probalinel, ada ando feberi o 300 dschene usi 2ti Burgenland Ekstrem Tour aun line. Andar Oggau ande Oggau, prik o Neusiedler See, taj ada use igen brigaschno vejteri, mint o dschiv delahi taj te i sorali bavlal phudlahi taj ada vejteriskero tradipe le dschenendar sa tel mangla uso schetalinipe, savo te pedar i granica, gelo. Afka tschak 50 dschene ando cil aun ale.
|
|
|
|
|
|
