|
|
|
|
|
 |
|
|
|
|
Programo SSZD ando 10. feberi 2013
O temtscha la sendungatar: Artschijipe "Ududiskere- taj hischoskere themtscha" Kolo Slavuj le Molise horvacken kher rodija, i Ceija Stojka taj o Hans Samer mule, filmiskeri presentacija "Ame sam Romm - Wir sind Roma", videjoskero klip "Loli rokla - Roter Rock" ando gondo upro Hans Samer.
|
|
|
|
|
|
|
|
|
But tschibtschakeri sendung
Ando but tschibtschakero televisakero magacin le ORF-istar Burgenland, o Burgenland ande schtar tschibtscha sikal pe. I sendung "Servus Szia Zdravo Del tuha" schovar ando bersch sikadi ol. |
|
|
|
|
|
|
|
|
Sendungakero termin
Kurke, 10. feberi, 13.05 orenge (VPS 13.05)
ORF 2 Burgenland
|
|
|
|
|
|
|
|
Termintscha 2013:
14. april
9. juni
11. august
13. oktoberi
8. decemberi
|
|
|
|
|
|
|
|
|
|
Artschijipe "Ududiskere- taj hischoskere themtscha"
I thaneskeri galerija Burgenland usar o 22. merc dschi uso 26. maj le artschijipeha "Ududiskere- taj hischoskere themtscha. Na profijengero film ando Burgenland" papal use jek filmiskeri cajtakeri roas, akarel.
Sikade on 120 filmtscha andar o cilo Burgenland, kaj te o burgenlanditike flogoskere grupn te dikel hi. Afka jek horvacko bijav andar Stinatz taj jek ungriko erntinipeskero palikeripeskero mulatintschago andar i Tenu Erba, sikado ol.
|
|
|
|
|
|
|
|
Kolo Slavuj uso Molise horvacke
O burgenlanditike horvacke taj i horvacki flogoskeri grupn andi sud italitiki Adrijakeri regijona Molise, sajt but desch berscha ando latscho kontakto terdschon. Afka i folklorengeri banda Kolo Slavuj i gemajnde Montemitro/Mundimitar kher rodija, jek le trin gemajndendar, ande save Molise horvacke dschin.
|
|
|
|
|
|
|
|
I prik dschivdi Ceija Stojka muli
I Romengeri prik dschivdi le holocaustistar, molerkija taj pisimaschkija Ceija Stojka, ando 28. jeneri 2013, ando use terdschojipe pra familijatar, muli. I Ceija Stojka andar i prindschardi Romengeri familija Stojka sina, andar savi tschak tschule dschene o logertscha prik dschivde.
I Lovara Romni pro dschivipe le upre butschalinipeske la historijatar taj la palgondolipeskera butjake, vidmintscha. Pre kenvenca taj kipenca probalintscha oj, lakero schitikono terdschavipe, bejg te dschuminel. I Ceija Stojka, 79 berscha phurani uli.
|
|
|
|
|
|
|
|
Filmiskero projekto "Ame sam Romm. Wir sind Roma"
Pal jek aktujeli schtudija la universitetatar Betschi o Roma taj o Sinti lek soraleder le ar phende atakendar resle hi. O autortscha vaschoda phenen, hot o terne pumen schpecifischi projektenca la flogoskera grupnake, te sensibilirinen pumen.
Ada, sajt berscha ando rejalgimnasijum Hagenmüllergasse, ando 3. betschitiko becirk, kerdo ol. Odoj odola ischkolaschtscha, save bojd i matura keren, jek film pedar o dschivipe le Romendar presentirinde, le anaviha "Ame sam Romm. Wir sind Roma". Jek le protagoniskijendar hi i Ceija Stojka, savi muli.
|
|
|
|
|
|
|
|
O Hans Samer angli boschitscha muli
I flogoskeri grupn le Romendar meg jek avro mulipe ando pradipe iste anel. O brindschardo Romengero muschikaschi Hans Samer, 1948 ojs Hans Sarközi andi Telutni Schica upro them alo, ando 22.12.2012 ando 65. dschivipeskero bersch, mulo.
Pra "Hans Samer Bandaha" but berscha, ov jek barikano muschikakero artschijipe le burgenlanditike Romendar sina. O Hans Samer te ande but mindenfelitike Romengere organisaciji aktivi sina.
|
|
|
|
|
|
|
|
"Loli Rokla" ando gondo upro Hans Samer
"Loli Rokla - Roter Rock" butschol jek prindschardi dschili le Romendar, savi o Hans Samer pra bandaha cidlahi. Ando bersch 2002, producirintscha o ORF jek videjoskero klip, savo andi sendung "Servus Szia Zdravo Del tuha" sikado ulo taj ando gondo upro Hans Samer te andi aktujeli sendung sikado ol.
|
|
|
|
|
|
