|
|
|
|
|
|
 |
|
|
15.12.2012 |
|
Upro Sinti taj Roma gondolinen
Jeka gondolinipeskera minutaha o nimtschko bundakero rot upro nacijonalsocijalistischi murdaripe le Sintijendar, Romendar taj le Jenischendar gondolintscha. "Ada bibastalo keripe pal te gondolinel amen mukel, saj bibastalo argejipe hosinipe schaj anel", phentscha o ministerengero presidento Horst Seehofer (CSU) andar Bayern.
|
|
|
|
|
|
16. decemberi 1942 |
|
Deportacija la flogoskera grupnatar
Sako bersch i "Länderkammer" upro afka akardo "Auschwitz-Erlass", savo le "Reichsführer SS, Heinrich Himmleristar" ari dim ulo, gondolinel. Adaleha ando 16. decemberi 1942 i deportacija le dschenendar andar flogoskere grupn ando logeri Auschwitz-Birkenau kerdi uli. Valami 500.000 Sinti, Roma, Jenischen taj dschene avre ladipeskere flogendar, nacijengere opfertscha ule.
|
|
|
|
|
|
|
|
Respektoha i phuri cajt upre te butschalinel
Argranicalipe taj diskriminacija te "adi meg brigaschno tschatschipe" hi, citirintscha o Seehofer andar o vakeripe le Kretschmannistar. I buti jeke "respektoskere khetanipeske" i phuri cajt upre te butschalinel taj patschajipe papal te jerinel, aktujeli hi.
O ando oktoberi ando foro Berlin sentelimo gondolipeskero than le murdarde Sintijenge taj Romenge imar dur angloda iste kerdo ujahi.
|
|
|
|
|
|
|
|
|
|
|
